Description
Tarey Vesos (1897-1970) Norveç ədəbiyyatının ən görkəmli nasirlərindən biridir. Dərin psixoloji müşahidələri, insan ruhunun incə qatlarını təsvir etmək bacarığı və təbiətlə insan taleyi arasındakı əlaqəni poetik dillə ifadə etməsi ilə tanınır. Onun əsərləri dünyanın bir çox dillərinə tərcümə edilmiş, Norveç ədəbiyyatının klassik nümunələri sırasında yer almışdır. Vesos 1964-cü ildə “Buz qəsr” romanına görə Şimal Ölkələri Ədəbiyyat Mükafatına layiq görülmüşdür.
“Quşlar” Tarey Vesosun ən məşhur və təsirli əsərlərindən biridir. Roman sadə həyat sürən, lakin daxili aləmi son dərəcə zəngin olan Mattis adlı gəncin taleyindən bəhs edir. Dünyaya fərqli baxış bucağından baxan Mattis quşların dilini, küləyin səsini və təbiətin gizli işarələrini anlamağa çalışır. Lakin onun incə duyğularla zəngin daxili aləmi həyatın sərt reallığı ilə toqquşur.
Vesos bu romanda tənhalıq, məhəbbət, cəmiyyətə uyğunlaşmaq uğrunda mübarizə və fərqli olmağın doğurduğu iztirabları dərin psixoloji incəliklə təsvir edir. “Quşlar” insan ruhunun kövrəkliyinə və azadlıq arzusuna həsr olunmuş poetik, düşündürücü və unudulmaz bir romandır.
Tərcümə: Anar Rəhimov