Description
“Müasir gürcü hekayəsi” antologiyası XXI əsr gürcü nəsrinin zəngin mənzərəsini Azərbaycan oxucusuna təqdim edir. Bu kitabda müxtəlif nəsillərə mənsub müəlliflərin qələmə aldığı, mövzu və üslub baxımından fərqli, lakin bir-birini tamamlayan hekayələr toplanmışdır.
Antologiyada Akaki Dauşvili, Ketevan Qabinaşvili, Nodar Maçaraşvili, Mari Tabaqari, Zaza Tvaradze, Zura Ğduşauri, Dimitri Tsiklauri, İlia Qvelesiani, Anna Qelaşvili, Nino Quqeşaşvili, Vasil Beselia, Qela Çkvanava, Aleksandre Kakiaşvili, Baço Kvirtia, Cemal Topuridze, Natia Rostiaşvili, Temur Gabunia, Qiorqi Şervaşidze, Luka Bakanidze, Tsira Kuraşvili və digər tanınmış gürcü yazıçılarının əsərləri yer alır.
Hekayələrdə müasir Gürcüstan həyatının müxtəlif çalarları – ailə münasibətləri, gəncliyin axtarışları, keçmişin izləri, şəhər və kənd mühitinin özünəməxsusluğu, sosial dəyişikliklər və fərdi talelərin psixoloji qatları əks olunur. Müəlliflər oxucuya bəzən ironik, bəzən tragik, bəzən də dərin fəlsəfi suallar doğuran mətnlər təqdim edirlər.
“Müasir gürcü hekayəsi” Azərbaycan oxucusuna qonşu xalqın bugünkü ədəbi nəfəsini duymaq imkanı verir və Cənubi Qafqaz xalqlarının ortaq duyğularını, eyni zamanda fərqli mədəni boyalarını göstərir.