Description
Hər il sentyabrın 11-də Krtsanisi döyüşündə fədakarcasına həlak olan 300 araqvililinin xatirəsi yad edilir. Məhz elə həmin gün soydaşımız olan 150 nəfər borçalılının qəhrəmancasına həlak olmalarını da soydaşlarımız son vaxtlar qeyd etməyə başlamışdır.
Odur ki, Krtsanisi memorialı önünə toplaşaraq Krtsanisi qəhrəmanlarını, o cümlədən soydaşlarımız Allahverdini, Ağacanı, eləcə də Aspindza döyüşü qəhrəmanlarını, soydaşımız Xudu Borçalını, onun məsləkdaşlarını, İranda, Tehrandakı xristin kilsəsinin həyətində dəfn olunan şahzadə Aleksandreni yad edirlər.
Onların ruhuna dualar oxuyurlar. Bu ənənənin əsasının qoyulması və daha da inkişaf etdirilməsi gənc nəslin vətənpərvər ruhda böyüməsinə və onları qəhrəmanlıqlar göstərən igidlərimizdən örnək götürməyə vadar edəcəyinə bizdə əminlik hissi yaradır…