Description
Dahi, zidiyyətli, insan təbiətinin təlatümlərini təsvir etmək sahəsində dünyada tay-bərabəri olmayan Knut Hamsun 1920-ci ildə “Torpağın bərəkəti” romanına görə ədəbiyyat üzrə Nobel mükafatına layiq görülmüşdür. Bu kitabda norveçli Nobel mükafatçısının “Pan” və “Viktoriya” romanları yer alır.
Knut Hamsun müsahibələrindən birində demişdir: “Viktoriya üzərində gördüyüm iş digərlərindən daha çətin olmuşdur”. Romanın əsas mövzusu faciəvi məhəbbət münasibətidir. Knut Hamsunun usta qələmi yalnız uğursuz və faciəvi məhəbbət təsviri ilə kifayətlənə bilməzdi…
“Aclıq”dan dörd il sonra nəşr edilən və Hamsunun ən uğurlu romanlarından hesab edilən “Pan” sehrli, insanı vahiməyə salan eşq hekayəsi olmaqla bərabər, həm də heyrətamiz təbiət təsvirləri ilə insanı özünə cəlb edir.
Hadisələr Norveçin ən uzaq şimalında, meşənin ortasında, vəhşi təbiət qoynunda baş verir.