Description
Giorgi Lobjanidzenin poeziyası – qədim Gürcüstanın mənəvi kökləri ilə Şərq mistikasının, fəlsəfi dərinliyin kəsişdiyi unikal bir məkandır. G.Lobjanidze eyni zamanda “Quran”ı gürcü dilinə tərcümə edən şərqşünas alimdir. Onun misralarında həm klassik irsin müdrikliyini, həm də müasir insanın daxili böhranını sezmək mümkündür.
Bu kitabda toplanmış şeirlər çağdaş Gürcü poeziyasının əsas özəlliyini – onun gündəlik həyata, məişətə bağlı olmasını, reportaj xarakteri daşımasını özündə əks etdirir. Şair göylərdə pərvaz etmir, söz oyunu ilə abstrakt mənalar arxasınca qaçmır. Öz sadə həyatının içindən səmimi lövhələrlə bizi tanış edir. Əlbəttə, təsirləndirir, bizi sehrli poeziya dünyasının qanunları ilə yaşamağa vadar edir. Bu toplu çağdaş gürcü şeirinin ən parlaq və səmimi nümunələrini bir araya gətirir.
Tərcümə: İmir Məmmədli