Description
Xalq şairi Cansuğ Çarkviani (1931-2017) çağdaş gürcü poeziyasının görkəmli nümayəndələrindəndir.
O, parlaq lirik şeirlərin müəllifi olmaqla yanaşı, gürcü ədəbiyyatında lirik poema janrının ustası kimi də iz qoyub. Onun haqqında təkcə bunu demək kifayətdir ki, Gürcüstanda “Xalq şairi” fəxri adı uzun müddət ərzində ləğv edilmiş olsa da, Cansuğ Çarkvianinin poetik əzəmətinə görə onu XXI əsrin əvvəllərində bərpa etməli oldular.
Cansuğ Çarkvianinin sözlərinə çoxlu mahnılar yazılıb, gürcü ifaçıları həmin mahnıları bu gün də sevə-sevə oxuyurlar. C.Çarkviani çağdaş gürcü ədəbiyyatında “altmışıncılar” ədəbi nəslinin nümayəndəsi hesab olunsa da, XX əsrlə XXI əsrin keşməkeşli yolayrıcında da bir ədəbi sima kimi seçilib sayılanlardan olmuşdur.