Description
“Yerə ən yaxın ulduz Günəşdi”
Astronomlar hardan bilsinlər ki,
Mənimçün yerə ən yaxın ulduz eyvandakı yardı.
“Ən uzun dövr daş dövrüdü”
Tarixçilər hardan bilsinlər ki,
Mənimçün ən uzun dövr səni gözlədiyim anlardı.
“Ən çətin şey özünü dərk etməkdi”
Filosoflar hardan bilsinlər ki,
Mənimçün ən çətin şey səni itirməkdi.
“1+1 =2”
Riyaziyyatçılar hardan bilsinlər ki,
Mən+sən=bir can deməkdi.
…Eh, mən ağılsız adamlardan
Nələr gözləyirəm, nələr umuram.
Məni alimlər başa düşməz,
Hələ nadanları demirəm.